Барпы айыл өкмөтүндө гуманитардык жардам таратылды

Аномалдуу ысыкка алдын алуу иш-аракеттери боюнча протоколду активдештирүү алкагында, Барпы айыл өкмөтүндө Кыргыз Республикасынын Кызыл Ай коомунун колдоосу менен аз камсыз болгон үй-бүлөлөргө жана майыптыгы бар жарандарга гуманитардык жардам таратылды.

Иш-чаранын жүрүшүндө социалдык жактан аярлуу катмардагы жарандарга керектүү азык-түлүктөр жана күнүмдүк турмушка зарыл болгон каражаттар тапшырылды. Жергиликтүү бийлик өкүлдөрү менен Кызыл Ай коомунун кызматкерлери жардамды жеткирүүдө ар бир үй-бүлөнүн абалын эске алышып, зарыл болгон колдоону көрсөтүштү.

Айыл өкмөт башчысы белгилегендей, мындай колдоо чаралары катаал аба ырайы шартында жарандардын ден соолугун сактоого жана жашоо шарттарын жеңилдетүүгө багытталган.